؟؟!! عجبـــــــــــــــي ؟؟!!

تعالي هنا بتتكلمي علي الناس وتجيبي في سيرة كل وحده شويه
ولما حد يجيب في سيرتك بتولعي نار وتتكلمي عن الغبيه والنميمه
ايه هما الناس من طينه وانتي من طينه تانيه
عجبي

وانت تعالي هنا بتقول ان حال البلد عمره ما هيتعدل
وحضرتك بتروح الشغل متاخر كل يوم
وتفضل تهزر وتضحك مع زمايلك وقت الشغل
وفي الاخر عاوز حال البلد يتعدل
عجبي

وانتي تعالي هنا
بتنصحي الناس انهم ميهربوش من مشاكلهم ولازم يوجهوها
وانتي مع أول مشكله واجهتك هربتي وسلمتي علي طول
الأهم انك تنصحي نفسك الأول
عجبي

وانت تعال هنا
حضرتك بتعاكس في البنت ديه والبنت ديه
ويسلام لو حد عاكس اختك ولا قربيتك تموت فيها
دا طباخ السم بيتذوقه
عجبي

وانت تعال هنا
بتظاهر امام الناس بالتدين وطاعة الله
ولما تكون لوحدك تعمل كل المعاصي
ايه خايف من الناس ومش خايف من ربنا
عجبي

وانتي بتضيعي فلوسك كلها علي الموضه والازياء
وترجعي تنتقدي المبذرات
عجبي


من فضلكوا اعذروني لكتابة الموضوع بالعاميه بدلا من اللغه العربيه
لأن طبيعة الموضوع تقضي ذلك

ويارب الموضوع يعجبكم